Franc er efnilegur og ákvað að koma til okkar á eigin forsendum. Hann er í sömu stöðu og aðrir efnilegir 2. fl. leikmenn, það er séns að komast í meistaraflokkinn en ekkert sjálfgefið.
Annars er gaman að segja frá því að auk þess sem áður hafði verið ákveðið er líklegt að strákur sem hefur verið atvinnumaður hjá úrvalsdeildarfélagi í Hollandi í nokkur ár kemur líklega til okkar í sumar. Örfættur og hugsaður á vinstri kantinn. Skýrist fljótlega. Þar eru hin jákvæðu tengsl við Heracles að skila sér, en eins og margir vita þá kom þeirra yfirþjálfari yngri flokka hingað til Egilsstaða í fyrrasumar og í apríl endurguldu Gulli og Viðar þá heimsókn. Með þeim afleiðingum að okkur hafa verið boðnir fleiri góðir menn en í ljósi fyrri ákvarðana í leikmannamálum getum við ekki tekið við fleirum.