Stefáni Þór Eyjólfssyni er fyllilega heimilt að sýna þeim magavöðvana sem vilja sjá. Vinir Nunna kröfðust þess í gær að Stefáni yrði refsað með gulu spjaldi fyrir að lyfta upp keppnistreyju sinni þegar hann fagnaði marki sínu í gær.
Samkvæmt 12. grein knattspyrnulagana - leikbrot og óviðeigandi hegðun, þarf leikmaður að fara úr treyjunni til að verðskulda áminningu. Þar segir orðrétt: "Ákvörðun 6 Leikmaður sem fer úr keppnispeysu þegar hann fagnar marki skal áminntur fyrir óíþróttamannslega framkomu."
Það er því ljóst að Stefán má halda áfram að bera magavöðvana með því að lyfta upp treyjunni - örugglega einhverjum áhorfendum til mikillar ánægju en fyrst og fremst honum sjálfum.
Afhverju minnir mig endilega að þetta hafi verið bannað (allavega í ensku) í vetur. Einn ágætur rauðhærður norðmaður hjá Liverpool varð að láta af þessari venju sinni vegna þessa.