Ég vil nú byrja á því að segja að mér finnst alltaf aðeins skemmtilegra þegar fólk getur spjallað undir eigin nafni, þó það sé á netinu.

Þó ég hafi nú ekki nokkurt vit á grasi, mold eða nokkrum öðrum hlut svosem þá langar mig samt að prufa að svara þessum spurningum.

1. Menn hljóta að halda áfram eins lengi og hægt er. Að eiga góðan og fallegan grasvöll á jafn stórum stað og Egilsstöðum hlýtur, og á að vera sjálfsagt.
2. (Tók þessa ponkulítið nærri mér ) Guðjón og Bjössi Ben gera sitt allra besta og hafa mikinn metnað í sínu starfi, en þeir fá sínar skipanir frá hærra settum aðilum. Það er svo hægt að deila vel og lengi um  það hvort þeir sem eru yfir íþróttamannvirkjum á svæðinu séu starfi sínu vaxnir.
3. Það er ábyggilega margt hægt að gera, en það er nú deginum ljósara að það virkar ekki að byrja að hugsa um völlinn þegar snjóa leysir um miðjan maí og fara svo að spila daglega, og stundum marga leiki á dag, á vellinum allt sumarið. Annars munar okkur nú varla um að þökuleggja völlinn einu sinni enn, held að ég og mín fjölskylda hafi hjálpað til við það amk tvisvar sinnum á síðustu öld

Að mínu mati á svo alls ekki að setja gervigras á Vilhjálmsvöll, heldur leggja metnað í góðan grasvöll. Gervi fer best í Harlem!

Að sjálfsögðu þarf að gera eitthvað fyrir greyið, hann er eitt hart moldarflag núna og ekki boðlegur fyrir fólk að spila á.

Ég myndi halda að fyrst þyrfti að kaupa góð tæki til að nota á völlinn, leggja mikinn metnað í að koma honum í gott stand, en síðan þyrfti líka að passa það að ekki yrði byrjað að spila á honum á fullu fyrr en hann væri kominn í nógu gott ástand fyrir það.

Hvernig er það, var eitthvað byrjað að gata, sá eða hugsa almennilega um völlinn fyrr en um miðjan maí?

Aðalatriðið að mínu mati er að mæta þörfum þeirra sem vilja nota. Trúlega er yfir 95% af notkun grasvallarins í dag af knattspyrnumönnum ÞRÁTT FYRIR að öllum flokkum okkar sé meinað að æfa þar nema rétt fyrir leiki í besta falli, vegna ástands og þol vallarins.

Notkunin í dag er mun meiri en hægt er að bjóða grasvelli upp á, jafnvel þó góður væri. Með gervigrasvelli af nýrri gerð væri stigið gríðarstórt skref. Við skulum hafa í huga, að þrátt fyrir slæmar aðstæður, þá er knattspyrnustarf gríðarmikið hérna. En það er með þetta eins og samgöngumannvirki. Góð mannvirki auka notkun. Ég fullyrði að Þristurinn, Old boys, Old girls (séu þær ekki í mfl.) og miklu, miklu fleiri myndu auka iðkun sína ef boðið væri upp á aðstæður hér í bænum en ekki 15 km. fjarlægð.

Til að mæta þessari þörf þarf gervigrasvöll. Sú þróun hefur átt sér stað að lið hafa í auknum mæli ákveðið að keppa á gervigrasvöllum. Þegar litið er til þeirrar þróunar er nærtækt að nýta sér reynslu annarra og leggja gervigrasvöll á Vilhjálmsvöll. Bara kalvandamál hafa skemmt mikið fyrir okkur á síðustu árum og slíkt losnum við við með gervigrasi.

Trúlega væri skynsamlegast að gera gervigrasvöll á Vilhjálmsvelli í einkaframkvæmd, en bærinn haldi sínu striki með Fellavöllinn, hvert sem það strik verður (stór völlur eða hugmynd sem kenna má við Árna Óla). Slíkt krefst hins vegar þátttöku bæjaryfirvalda og trúverðugrar nálgunar af hálfu okkar sem stöndum í knattspyrnumálum. Eins þarf að huga að þörfum annarra sem notað hafa og nota vilja völlinn.

Sjálfur vildi ég fyrst ekki sjá gervigras á Vilhjálmsvöll, ekki síst af rómantískum ástæðum. En grunnurinn í þessu starfi á að vera sá að leysa raunverulegar þarfir. Eftir að hafa komið aftur að þessu starfi hef ég sannfærst betur og betur að í raun á ekki að byggja neitt annað en gervigrasvelli á okkar ágæta svæði.

Málið að vökva nógu helvíti mikið..

Strákar við tókum væntanlega allir eftir því að það vorur 3 risa úðarar á fullu á KA- svæðinu þegar við spiluðum þar síðasta föstudag. ´
Ég spurði kallinn sem sér um vellina hvort þetta væri alltaf svona og hann sagði að alla daga væri vökvað...allan daginn alla daga!

hérna er vökvað svona 1 sinni í viku...

Við skulum passa okkur á því að missa þessa umræðu ekki niður á eitthvað lélegt plan.  Það er alveg ljóst að það er eitthvað að á Vilhjálmsvelli, hvort sem það er undirlagið, umhirðan eða eitthvað annað.  Mér hefur sýnst að það sé fullreynt að hafa alvöru gras á vellinum.  Það er eitthvað varðandi það sem ekki er að gera sig.  Ég er í sjálfu sér ekki í neinni aðstöðu til að dæma um það hvað það er sem er að, þó að ég haf vissar grunsemdir sem ég ætla að halda fyrir mig.  Það eru aðgerðirnar sem skipta máli.  Nú í haust finnst mér vera alveg ljóst að eitthvað verður að gera við Vilhjálmsvöll.  Það er tvennt í stöðunni að mínu viti 1) setja nýtt lifandi gras á völlinn og reyna að koma því til, þá í þriðja skiptið frá því að völlurinn var tekinn í notkun.  Það er ódýrara í bili en ég held að það leysi engan veginn þann vanda sem þessi völlur er að verða.  2) setja gervigras á völlinn.  Það er vissulega dýrari framkvæmd.  Það er hins vegar alveg á hreinu að þá er búiðað útbúa hér alvöru aðstöðu.  Þá er augljóst að notkunin á vellinum getur og mun verða miklu meiri.  Þá geta allir flokkar æft allt árið á vellinum og allir leikir verða hér á Vilhjálmsvelli, ekki á Fellavellinum eða á Eiðum, þar sem aðstaðan er engin.  Þetta er mál sem verður að vinna nokkuð hratt vegna þess að það er ekki hægt að horfa upp á völlinn svona eins og hann er núna eitt árið enn.

þar sem 2.Flokkur Hattar er komið í 8liða úrslit, sem hefur ekki gerst í mörg ár. Fyndist mér að það ætti að reyna að gera eitthvað við verstu svæðinni, jafnvel rífa þau upp og setja nýjar þökur. En bara svona Myndi líta betur út þegar stóru liðinni kíkja í Hérað.